10.02.2009
Magnús Gunnarsson segir sig úr stjórn Nýja Kaupþings
Magnús Gunnarsson stjórnarformaður Nýja Kaupþings hefur ákveðið að segja sig úr stjórn bankans. Í bréfi til fjármálaráðherra segir Magnús að samstarfið í stjórninni undanfarna þrjá mánuði hafi gengið vel og allir lagt sig fram um að ná sem mestum árangri. Magnús segir ljóst að í stjórnarflokkunum séu uppi óskir um mannabreytingar í stjórnum bankanna og mikilvægt að stjórn bankans njóti óskoraðs umboðs og trausts í þeim erfiðu ákvörðunum sem framundan eru. Af þeim sökum telur hann rétt, með hagsmuni bankans í huga, að skapa svigrúm til mannabreytinga í stjórninni.
Sameiginlegt bréf Magnúsar Gunnarssonar og Vals Valssonar, vegna úrsagna þeirra úr stjórnum Nýja Kaupþings og Nýja Glitnis, má nálgast hér:
Deila grein:
