18.08.2011
Meniga heimilisbókhald Arion banka aðgengilegt í netbankanum
Sjálfvirkt og skemmtilegt heimilisbókhald sem gefur góða yfirsýn
Viðskiptavinum Arion banka býðst nú aðgangur að Meniga heimilisbókhaldi í gegnum Netbanka Arion banka. Meniga er vefur, sérhannaður til að aðstoða notendur við að stjórna heimilisfjármálunum, setja sér markmið og nýta peningana sína sem best.
Markmiðið er að gera heimilisbókhaldið einfalt. Þannig flokkar Meniga sjálfkrafa allar færslur af reikningum og kreditkortum og sýnir niðurstöður á myndrænan hátt. Notendur geta borið útgjöld sín í hverjum útgjaldaflokki saman við útgjöld annarra. Samanburðurinn auðveldar notendum að sjá hvar þeir standa í samanburði við aðra.
Meniga setur sjálfkrafa upp fjárhagsáætlun sem byggir á raunútgjöldum hvers og eins síðasta árið. Meniga aðstoðar þannig notendur við að setja sér raunhæf markmið og fylgja áætlunum sínum eftir.
Arion banki mun hafa þjónustuver sitt opið lengur næstu daga, eða til klukkan 21:00, til að aðstoða nýja Meniga notendur ef einhverjar spurningar vakna. Einnig hafa viðskiptavinir aðgang að ítarlegum upplýsingum og kennslumyndböndum á vef bankans á www.arionbanki.is/meniga.
Aðgangur að heimilisbókhaldinu er viðskiptavinum bankans að kostnaðarlausu.
Deila grein:
