15.04.2009
Mikill ávinningur Vaxtarfélaga á síðasta ári
Rúmlega helmingur viðskiptavina Nýja Kaupþings er í Vexti vildarþjónustu bankans. Þessir viðskiptavinir fengu á síðasta ári samtals 522 milljónir króna í ávinning af því að vera félagar í Vexti eða rúmlega helmingi meira en árið á undan.
Ávinningur viðskiptavina felst fyrst og fremst í betri kjörum á þjónustu hjá Nýja Kaupþingi og afslætti hjá samstarfsfyrirtækjumVaxtar en þau eru VÍS, Okkar líftryggingar, Lífís, Lýsing og Öryggismiðstöðin. Þá fengu Vaxtarfélagar 201 milljón vildarpunkta í fyrra og rúmar 40 milljónir í endurgreiðslu vegna e-korta.
Sífellt fleiri viðskiptavinir kjósa að vera í Vexti en til að verða félagi þarf viðskiptavinur aðeins að vera skilvís og í fjölbreyttum viðskiptum við bankann.
Deila grein:
