11.06.2012
Mikka maraþon 17. júní
Mikka maraþon fer fram þann 17. júní nk. en Arion banki er aðalbakhjarl fjölskylduhlaupsins. Það geta allir tekið þátt og verður hlaupið í fjórum aldursflokkum:
9 ára og yngri
10-12 ára
13-15 ára
16 ára og eldri
Hlaupavegalengdin er 4,2 km og verður hlaupið í Laugardalnum í Reykjavík. Upphitun hefst kl. 10:30 en hlaupið verður ræst kl. 11:00. Fólk skráir sig í hlaupið á mikkimus.is og greiðir skráningargjald að upphæð 500 kr. en allur ágóði af hlaupinu rennur til sjóðsins Blind börn á Íslandi. Eftir skráningu verða hlaupanúmerin afhent í fimm af útibúum Arion banka dagana 13. - 15. júní.
Útibúin eru:
Kringluútibú, Kringlunni 8-12
Höfðaútibú, Bíldshöfða 20
Hafnarfjarðarútibú, Fjarðargötu 13-15
Smáraútibú, Smáratorgi 3
Aðalútibú, Laugavegur 120
Myndir frá maraþoninu verða svo birtar á vefsíðu bankans eftir hlaupið.
Mikka maraþon er sjálfstætt verkefni á vegum Eddu útgáfu hf. sem er útgefandi og sérleyfishafi Disney á Íslandi en Arion banki er stærsti bakhjarl hlaupsins. Markmið hlaupsins er að skapa skemmtilega fjölskyldustund og hvetja til aukinnar hreyfingar og útivistar. Hlaupið er ekki rekið með hagnaðarsjónarmið í huga og rennur allur ágóði til sjóðsins Blind börn á Íslandi.
Deila grein:
