Morg­un­fund­ur um niður­stöður rann­sókn­ar á fjármála­læsi Ís­lendinga 2008 til 2011

Hefur þekking okkar aukist eða hefur henni hrakað síðastliðin 3 ár? Fylgjast fleiri með útgjöldum sínum? Náum við endum saman? Borgum við reikninga á réttum tíma? Þessum spurningum og öðrum er lúta að fjármálaþekkingu, viðhorfi og hegðun Íslendinga er svarað í nýrri skýrslu Stofnunar um fjármálalæsi og sálfræðisviðs viðskiptadeildar Háskólans í Reykjavíkur.

Um er að ræða fyrstu rannsóknina þar sem fjármálalæsi Íslendinga er borið saman milli tímabila og er hún mikilvægt innlegg í umræðuna um stöðu og þróun fjármálalæsis á Íslandi.

Skýrslan verður kynnt fimmtudaginn 3. maí kl. 08:30 í Arion banka, Borgartúni 19. Boðið verður upp á morgunhressingu.

Allir velkomnir.

Skýrslan er unnin af Stofnun um fjármálalæsi og sálfræðisviði viðskiptadeildar Háskólans í Reykjavík og er styrkt af Arion banka, sem er aðal bakhjarl stofnunarinnar, Íbúðalánasjóði og efnahags- og viðskiptaráðuneytinu. Frekari upplýsingar um skýrsluna má finna á www.fe.is.