30.12.2010
Ný skuldabréf skráð í Kauphöll
Landfestar ehf., dótturfélag Arion banka hf. hefur lokið fyrsta áfanga fjármögnunar félagsins. Skuldabréfaflokkurinn LFEST1 10 1 hefur verið tekinn til viðskipta í Kauphöll (Nasdaq OMX Iceland hf). Um er að ræða eignatryggða útgáfu þar sem til tryggingar eru fasteignir í eigu dótturfélags Landfesta. Gefin voru út verðtryggð skuldabréf að nafnvirði 2.830.000.000 kr. til 34 ára sem bera 4,7% vexti.
Skuldabréfin eru gefin út af fagfjárfestasjóðnum LFEST1 Borgartún sem rekinn er af Stefni hf. dótturfélagi Arion banka hf., en Stefnir hf. hefur sérhæft sig í útgáfum eignatryggðra skuldabréfa. Bankinn hafði umsjón með töku skuldabréfanna til viðskipta en Stefnir hf. kemur fram fyrir hönd sjóðsins sem er útgefandi skuldabréfanna.
Þetta er ein fyrsta skráning í Kauphöll á Íslandi síðan í október 2008 þar sem útgefandi er ekki opinber aðili eða fyrirtæki í eigu opinberra aðila. Þannig fjölgar fjárfestingarkostum á íslenskum fjármálamarkaði.
Deila grein:
