Ný­ir al­mennir viðskipta­skil­málar Arion banka og al­mennir skil­málar inn­láns­reikninga

Þann 16. mars 2015 taka gildi nýir almennir viðskiptaskilmálar Arion banka og almennir skilmálar innlánsreikninga. Um heildarendurskoðun var að ræða á skilmálunum. Geri viðskiptavinir ekki athugasemdir við hina nýju skilmála fyrir gildistöku þeirra teljast þeir hafa samþykkt þá. Sætti viðskiptavinur sig ekki við breytingu skilmálanna getur hann sagt upp viðskiptum sínum við bankann og skal þá tilkynna um uppsögn með sannanlegum hætti.

Almennir viðskiptaskilmálar gilda um viðskipti Arion banka og viðskiptavina hans. Skilmálarnir hafa að geyma almenn ákvæði um réttindi og skyldur beggja aðila. Skilmálarnir eru viðbót við hina sértækari skilmála sem gilda um viðskipti milli bankans og viðskiptavina hans.

Almennir skilmálar innlánsreikninga bankans gilda um alla innlánsreikninga bankans og hafa skilmálarnir að geyma almenn ákvæði um réttindi og skyldur bankans og eigenda innlánsreikninga. Sérstakir skilmálar geta þó gilt um einstaka innlánsreikninga sem ganga framar hinum almennu.

Skilmálana má nálgast hér.