Nýja Kaupþing árétt­ar að bank­inn er með virka greiðslumiðlun við út­lönd

Vegna ummæla framkvæmdastjóra Sambands íslenskra sparisjóða í hádegisfréttum Ríkisútvarpsins 22. mars, þess efnis að öll erlend greiðslumiðlun sé nú í höndum Seðlabanka Íslands, vill Nýi Kaupþing taka fram að bankinn hefur frá 1. desember 2008 miðlað erlendum greiðslum gegnum eigin reikninga fyrir hönd viðskiptavina sinna. Viðskiptavinir Nýja Kaupþings geta því milliliðalaust nýtt sér greiðslumiðlun bankans vegna vöru-og þjónustuviðskipta um allan heim.

Starfsmenn Nýja Kaupþings búa yfir mikilli þekkingu á miðlun gjaldeyris um allan heim og hafa viðskiptamenn bankans getað nýtt sér snurðulausa greiðslumiðlun bankans frá 1. desember 2008.

Nýi Kaupþing notaði reikninga Seðlabankans fyrir erlendar færslur frá 9.október 2008 til 1.desember 2008 . Það varð hins vegar breyting á því þegar bankinn opnaði reikninga í öllum helstu myntum hjá JP Morgan Chase í New York, London, Frankfurt og Tokyo. Þá er bankinn einnig með reikninga hjá SEB í Svíþjóð og Noregi og Danske Bank í Danmörku.