Nýja Kaupþing lækk­ar vexti um 1-3%

Í ljósi þess að Seðlabankinn hefur hafið vaxtalækkunarferli telur Nýja Kaupþing svigrúm til vaxtalækkunar. Bankinn lækkar inn- og útlánsvexti frá og með 1. maí. Óverðtryggðir vextir lækka á bilinu 2-3% og verðtryggðir vextir lækka um 1%.

Vextir óverðtryggðra skuldabréfa hafa lækkað um 4,9% á árinu og verðtryggðra lána um 2%. Á sama tíma hafa stýrivextir Seðlabankans lækkað um 2,5%.
Eftir lækkunina eru vextir framfærslulána námsmanna vegna LÍN 11% sem eru þeir lægstu á markaðinum.