Ösku­dag­ur í Arion banka

Fjöldi barna hefur heimsótt útibú Arion banka það sem af er degi, sungið fyrir starfsfólk og viðskiptavini og fengið að launum Andrésblað sem sérstaklega var útbúið fyrir Arion banka í tilefni af öskudegi til að gefa syngjandi kátum krökkum.

Öskudagsgjöfin er, eins og Lestrarvika Arion banka og Disney klúbbsins sem haldin er á ári hverju, liður í að hvetja krakka á öllum aldri til að vera dugleg að lesa sér til skemmtunar og fróðleiks.

Fjölmargir skemmtilegir búningar hafa sést í útibúum bankans í dag eins og sést á meðfylgjandi myndum, sem teknar voru í útibúi bankans í Kringlunni og á Höfðabakka í morgun.