29.08.2012
Opinn skógur í Hörgárdal vígður
Á sunnudaginn kemur, 26. ágúst, verður Laugalandsskógur á Þelamörk í Hörgárdal formlega vígður sem Opinn skógur.
Arion banki er bakhjarl Opinna skóga, verkefnis skógræktarfélaga á Íslandi. Laugalandsskógur er í um 15 mínútna akstursfjarlægð frá Akureyri og hefst athöfnin klukkan 16. Öll aðstaða til útivistar og náttúruskoðunar er til fyrirmyndar á svæðinu og tilvalið að gera sér ferð í skóginn með fjölskylduna.
Þá mun eyfirska hljómsveitin Helgi og Hljóðfæraleikararnir skemmta í skóginum og gestum verður boðið upp á svokallað ketilkaffi að hætti skógarmanna og meðlæti. Líkt og fyrri ár mun Vigdís Finnbogadóttir opna skóginn formlega.
Deila grein:
