01.12.2008
Opnun Kaupþing Samvals og Eignastýringarsjóðs
Opnað hefur verið fyrir innlausnir í Kaupþing Samval og Eignastýringarsjóði.
Báðir sjóðirnir fjárfestu að mestu leyti í ríkistryggðum skuldabréfum og innlánum. Sjóðunum var lokað 3. október. Eftir fall bankanna voru nokkur skuldabréf, sem ekki hafa virka verðmyndun, endurmetin af óháðum endurskoðendum. Niðurstaðan varð sú að færa verðmæti beggja sjóða niður, þannig að þeir endurspegluðu innlausnarvirði hlutdeildarskírteina:
Lækkun á virði Eignastýringarsjóðs m.v. opnunargengi nemur 9,6%. Ávöxtun ársins fram að lokun sjóðsins 3. október var 16,3%.
Lækkun á virði Samvals m.v. opnunargengi nemur 12,5%. Ávöxtun ársins fram að lokun sjóðsins 3. október var 12,4%.
Pantanir sem lagðar eru inn á opnunartíma sjóðanna verða afgreiddar T+3 (þremur dögum eftir beiðni) í samræmi við reglur sjóðanna.
Við núverandi aðstæður verður lögð áhersla á örugga fjárfestingu í ríkistryggðum skuldabréfum og innlánum. Ljóst er að vextir og verðbólga munu breytast hratt á næstu misserum en markmið sjóðanna er sem fyrr að ávaxta fjármuni á virkan hátt þar sem tækifæri kunna að liggja.
Frekari upplýsingar um eignasamsetningu og fjárfestingarheimildir sjóðanna eru að finna heimasíðu bankans.
Deila grein:
