29.01.2014
Ríflega 900 þúsund krónur frá e-korthöfum til Mæðrastyrksnefndar Reykjavíkur
Í lok síðasta árs fengu e-korthafar hjá Arion banka sína árlegu endurgreiðslu en hún er hluti af árlegum ávinningi sem e-korthafar fá. Korthafar gátu ráðstafað endurgreiðslunni inn á sinn bankareikning, fengið vildarpunkta eða gefið mæðrastyrksnefnd upphæðina að hluta eða öllu leyti.
Fjölmargir korthafa kusu að leggja mæðrastyrksnefnd lið og runnu því 931.252 krónur frá korthöfum til þeirra nú í janúarmánuði. Upphæðin hefur farið hækkandi ár frá ári en þetta er í fjórða sinn sem e-korthöfum gefst kostur á að styrkja mæðrastyrksnefnd með þessu hætti.
Ávinningur e-kortsins felst í því að Arion banki endurgreiðir korthöfum 0,3% af veltu korthafa fyrir öll viðskipti korthafa hjá innlendum söluaðilum. Auk þess geta e-korthafar hækkað endurgreiðsluna enn meira með því að beina viðskiptum sínum til hátt í 200 samstarfsfyrirtækja e-kortsins en þau veita viðbótarendurgreiðslu á bilinu 0,65%-20% af veltunni. Einnig bjóðast korthöfum fjöldi sértilboða.
Þess má geta að Arion banki veitti Mæðrastyrksnefnd auk Hjálparstarfi kirkjunnar og Rauða kross Íslands styrki að upphæð tvær milljónir króna hver, í tilefni af jólaúthlutun þeirra nú í desember.
Deila grein:
