Rúm­lega 200 manns á nám­skeiði hjá Arion banka um út­greiðsl­ur lífeyris­sparnaðar

Þátttaka á fjármálanámskeiði Arion banka um útgreiðslur lífeyrissparnaðar, sem var haldið í gær, fór fram úr björtustu vonum. Rúmlega 200 manns sóttu námskeiðið og komust færri að en vildu.

Margrét Jónsdóttir og Sólveig Hjaltadóttir frá Tryggingastofnun ríkisins kynntu þá þjónustu sem stofnunin býður lífeyrisþegum og hvaða reglur gilda um útgreiðslur lífeyris almannatrygginga. Í framhaldinu kynnti Arnaldur Loftsson, framkvæmdastjóri Frjálsa lífeyrissjóðsins, hvaða reglur gilda um útgreiðslu lífeyrissparnaðar, hvað sjóðfélagar þurfa að hafa í huga þegar útgreiðslualdur nálgast og þá útgreiðsluráðgjöf sem bankinn býður sjóðfélögum.

Fundargestir voru almennt mjög ánægðir með námskeiðið og fjöldi þeirra fékk ráðgjöf um lífeyrismál frá starfmönnum bankans strax eftir fundinn.

Annað námskeið um útgreiðslur lífeyrissparnaðar verður haldið 14. apríl nk. og hafa nú þegar um 60 manns skráð sig á það.

Alls hafa um 500 manns sótt fjármálanámskeið hjá Arion banka undanfarnar vikur.