Skila­boð til viðskipta­vina

Ágæti viðskiptavinur,

Starfsfólk Kaupþings leggur sig fram við að svara spurningum viðskiptavina fljótt og vel. Við núverandi aðstæður er mikið álag á starfsfólki og símkerfi bankans, því biðjum við viðskiptavini um að sýna þolinmæði og skilning.

Auk þjónustu sem við veitum í síma og útibúum bankans viljum við benda á að hægt er að senda fyrirspurnir (en ekki viðskiptabeiðnir) í tölvupósti á netfangið radgjof@kaupthing.is og munum við gera okkar besta til að svara þeim eins fljótt og auðið er.

Verðbréfasjóðir

Áframhaldandi frestun innlausnar

Þar sem lokað hefur verið fyrir öll viðskipti með hlutabréf í Kauphöll Íslands mun frestun innlausnar hlutdeildarskírteina í eftirfarandi sjóðum gilda áfram:

• Kaupþing Peningamarkaðssjóður

• Kaupþing Skammtímasjóður

• Kaupþing Hávaxtasjóður

• Kaupthing Liquidity Fund EUR

• Kaupthing Liquidity Fund USD

• Kaupthing Liquidity Fund GBP

• Kaupþing Heildarvísitölusjóður

• Kaupþing Úrvalsvísitölusjóður

• Kaupþing ÍS-15

• Kaupþing ÍS-5 (fagfjárfestasjóður)

• ICEQ verðbréfasjóður

• Kaupþing Skuldabréf stutt

• Kaupþing Skuldabréf millilöng

• Kaupþing Skuldabréf löng

• Kaupþing Erlend Skuldabréf

• Kaupthing Scandinavian Fund

• Kaupthing Green Growth

• Kaupþing Erlend Hlutabréf

• Kaupþing Verðbréfaval 1-5

• Kaupþing Eignastýringarsjóður

• Kaupþing Samval

• Kjarabréf

• Kaupthing Investment Funds - Icelandic Equity

Áfram verður tekið við pöntunum viðskiptavina í ofangreinda sjóði, en þær verða ekki afgreiddar fyrr en Fjármálaeftirlitið ákveður að viðskipti hefjist að nýju.

Hægt er að eiga viðskipti í Kaupþing Ríkisverðbréfasjóður langur og Kaupþing Ríkisverðbréfasjóður millilangur.

Þá hefur stjórn Kaupthing Manager Selection ákveðið frestun innlausnar með hlutdeildarskírteini KMS BRIC, KMS Global Equity, KMS Europe, KMS Emerging Markets.

Innlán

Eins og ítrekað hefur komið fram ábyrgist ríkissjóður allar innistæður á innlánsreikningum landsmanna. Innlánsreikningar Kaupþings eru:

• Mx12 - verðtryggður

• Mx12 - óverðtryggður

• M2

• Markaðsreikningur

• Kostabók

• Bústólpi 48

• Bústólpi 60

• Stjörnubók

• Eignalífeyrisbók

• Framtíðarbók

• Krakkareikningur

• Gjaldeyrisreikningur

• VSK - reikningur

• Höfuðstólstryggðir reikningar

Athugið að listinn er ekki tæmandi.

Lífeyrisafurðir Kaupþings

Frestun á gengisútreikningi og flutningum á séreign

Í ljósi þess að ekki eru viðskipti með hlutabréf í Kauphöll Íslands er ekki hægt að reikna gengi fjárfestingarleiða lífeyrisafurða Kaupþings. Ekki er heldur hægt að framkvæma flutninga á milli fjárfestingarleiða til annarra vörsluaðila/lífeyrissjóða á meðan þetta ástand varir. Eftir að opnað verður fyrir viðskipti verður hægt að afgreiða flutningsbeiðnir.

Viðskiptavinir Kaupþings eru beðnir afsökunar á óþægindum sem þetta kann að valda.

Starfsfólk Kaupþings