Vel heppn­aðir fræðslufundir með Jóni Jóns­syni - Mynd­band

Tónlistarmaðurinn og hagfræðingurinn Jón Jónsson hefur undanfarna daga komið fram fyrir hönd bankans og frætt fermingarbörn og önnur ungmenni um fjármál. Nú er tíð ferminga genginn í garð og þá er gott að huga að sparnaði, enda mörg börn sem fá pening í fermingargjöf. Fyrirlestrar Jóns voru afar vel sóttir, annar í Borgartúni 19 en hinn á Hótel KEA á Akureyri, og spunnust líflegar umræður í kjölfar þeirra.

Jón, sem notið hefur mikilla vinsælda fyrir tónlistarhæfileika sína, er menntaður hagfræðingur frá Boston University og gat því útskýrt ýmis flókin mál tengd fjármálum á einfaldan og skemmtilegan máta fyrir unglingunum. Í lok fundanna tók hann svo lagið með gítarinn að vopni og vakti mikla lukku.

Hér má sjá skemmtilegt myndband frá kynningunni sem haldin var í Reykjavík.