Vel heppn­aðir Kaup­hall­ar­dag­ar

Kauphallardagar Arion banka fóru fram 8. og 9. apríl en þetta var í fimmta sinn sem dagarnir voru haldnir. Stjórnendur skráðra félaga, ásamt félögum sem hyggja á skráningu, kynntu félögin og svöruðu spurningum úr sal. Kauphallardagarnir voru opnir öllum en var sérstaklega beint að fjárfestum. Samtals var boðið upp á 14 kynningar auk þess sem Stefán Pétursson, framkvæmdastjóri fjármálasviðs, fór stuttlega yfir stöðu og afkomu Arion banka við setningu daganna.

Kauphallardagar hafa markað sér sess sem vettvangur fyrir stjórnendur fyrirtækja til að kynna rekstur félaga sinna enn betur eða með öðrum hætti en gert er á hefðbundnum afkomukynningum.

Í ár voru dagarnir sérstakir að því leyti að skráðum félögum fjölgaði um eitt á meðan á dögunum stóð en viðskipti með Reiti fasteignafélag hófust á fimmtudagsmorgun. Jafnframt var ýtt úr vör kynningum á Eik fasteignafélagi sem stefnir á skráningu undir lok þessa mánaðar í framhaldi af hlutafjárútboði. Forstjórar beggja þessara félaga voru meðal fyrirlesara á Kauphallardögum.