Vel sótt ráð­stefna um olíu á Dreka­svæðinu

Arion banki hélt í morgun ráðstefnu um olíu á Drekasvæðinu. Ræðumenn voru sérfræðingar á ólíkum sviðum olíuiðnaðar frá Íslandi og Noregi.

Fyrstur talaði Þórarinn Sveinn Arnarson, verkefnastjóri olíuleitar hjá Orkustofnun. Þórarinn fjallaði um stöðu olíuleitar á Drekasvæðinu.

Næst fjallaði Thina Margrethe Saltvedt, sérfræðingur hjá Nordea Markets, og einn helsti sérfræðingur Norðurlandanna í þessum málaflokki, um hugsanleg áhrif á efnahagslíf ef olía finnst á Drekasvæðinu.

Að lokum fjallaði Per Mathis Konsrud, aðstoðarframkvæmdastjóri í fjármálaráðuneyti Noregs um reynslu Norðmanna af ráðstöfun þeirra verðmæta sem olíuiðnaðurinn í Noregi hefur leitt af sér þar í landi.

Ráðstefnan fór fram fyrir fullu húsi og mæltust erindi frummælenda afar vel fyrir.