10.04.2014
Vildarkorthafi Arion banka vann 500.000 Vildarpunkta
Frá og með 22. maí næstkomandi mun fyrirkomulag útreiknings Vildarpunkta Icelandair á vildarkortum Arion banka breytast. Af því tilefni var efnt til leiks þar sem nöfn vildarkorthafa sem notuðu kort á einhverjum sölustað í mars voru sett í pott.
Í byrjun apríl var einn heppinn viðskiptavinur dreginn úr pottinum. Það var Guðný Hallsdóttir á Stóra-Hamri á Akureyri sem datt í lukkupottinn og fékk fyrir vikið 500.000 Vildarpunkta Icelandair og óskum við henni til hamingju með vinninginn.
Breyting sem mun eiga sér stað þann 22. maí felst fyrst og fremst í því að framvegis munu korthafar vildarkorta Arion banka ávinna sér Vildarpunkta vegna viðskipta hjá öllum innlendum söluaðilum í stað aðeins hluta þeirra áður. Þessi breyting er því til hagsbóta fyrir korthafa sem geta með þessu móti safnað sér hraðar fyrir því sem greiða má með Vildarpunktum Icelandair.
Deila grein:
