Vin­sæl nám­skeið byggð á sjón­varps­þátt­unum Ferð til fjár

Góð aðsókn sýnir þörfina á aukinni fræðslu um fjármál.

Breki Karlsson vakti mikla athygli með sjónvarpsþáttunum Ferð til fjár sem sýndir voru á RÚV nú í janúar. Arion banki og Stofnun um fjármálalæsi standa nú fyrir röð námskeiða sem byggð eru á þáttunum og samnefndri bók Breka Karlssonar, forstöðumanns stofnunarinnar.

Á námskeiðinu fer Breki betur í saumana á fjármálum einstaklinga og fjallar um peninga, sparnað og eyðslu með áhugaverðum hætti – á mannamáli. Að sögn Breka finnur hann fyrir vitundarvakningu meðal almennings, ekki síst meðal ungs fólks, um nauðsyn þess að ná betri tökum á þessum mikilvægu þáttum daglegs lífs og að geta skipulagt fjármál sín betur til framtíðar.

Góð aðsókn hefur verið að þeim námskeiðum sem þegar hafa verið haldin og hefur því verið ákveðið að bæta við námskeiði á höfuðborgarsvæðinu. Námskeiðin Ferð til fjár eru opin öllum sem áhugasamir eru um fjármál einstaklinga og heimila.

Námskeiðin verða haldin á eftirfarandi stöðum:

• Miðvikudagur 16. febrúar kl. 17:30 - Borgartúni 19, Reykjavík - FULLBÓKAÐ

• Miðvikudagur 23. febrúar kl 13:00 - Bifröst (Hriflu), Borgarfirði

• Miðvikudagur 9. mars klukkan 17:30 – Borgartúni 19, Reykjavík

Táknmálstúlkur verður á námskeiðunum í Borgartúni.

Stofnun um fjármálalæsi beitir sér fyrir bættu fjármálalæsi Íslendinga með fjölbreyttri starfsemi s.s. fræðslu og kennslu um fjármál í skólum landsins og gerð fræðsluefnis í rituðu máli. Arion banki er aðalbakhjarl stofnunarinnar og Breki Karlsson, forstöðumaður hennar, fer fyrir Uglunni, fræðsluátaki Arion banka ásamt sérfræðingum bankans.