Vista sam­ein­ast Lífeyris­auka

Vista mun sameinast séreignarsjóðnum Lífeyrisauka þann 1. júní næstkomandi. Sameinaður sjóður mun starfa undir nafni Lífeyrisauka og verður stærsti og fjölmennasti sjóður á Íslandi sem eingöngu tekur við viðbótarlífeyrissparnaði. Stærð sameinaðs sjóðs verður um 49 milljarðar og fjöldi sjóðfélaga um 63 þúsund. Báðir sjóðirnir eru í rekstri hjá Arion banka og mun engin breyting verða þar á.

Inneign rétthafa í fjárfestingarleiðum Vista verður flutt í samsvarandi fjárfestingarleiðir í Lífeyrisauka m.v. 1. júní 2012 og verður iðgjöldum einnig ráðstafað í samsvarandi leið. Sjóðfélagar í Vista munu halda þeirri sérstöðu sem Vista bauð upp á, t.a.m. með greiðslu bankans í lokabónus.  

Sameining sjóðanna er liður í því að einfalda vöruúrval Arion banka hvað varðar lífeyrisafurðir, til hagræðingar bæði fyrir sjóðfélaga og bankann.