Saman finnum við leiðina að stöðugum rekstri
Þegar rekstur stendur frammi fyrir greiðsluerfiðleikum er mikilvægt að bregðast hratt við og meta hvaða úrræði eru í boði.
Þegar rekstur stendur frammi fyrir greiðsluerfiðleikum er mikilvægt að bregðast hratt við og meta hvaða úrræði eru í boði.
Við viljum styðja fyrirtækið þitt við að finna leið til að halda rekstrinum á réttri braut ef það stendur frammi fyrir fjárhagserfiðleikum. Fyrirtæki geta lent í slíkri stöðu af ýmsum ástæðum og því er mikilvægt að leita aðstoðar sem fyrst. Við erum hér til að vinna með þér að lausn sem styður áframhaldandi rekstur.
Tímabundnir greiðslufrestir/framlenging lána
Skammtímalánveiting í formi skuldabréfs/yfirdráttar
Úrræði samkvæmt lögum um gjaldþrotskipti nr. 21/1991:
Greiðslustöðvun
Viðskiptavinur, sem á í verulegum fjárhagserfiðleikum og vill freista þess að koma nýrri skipan á fjármál sín með aðstoð lögmanns eða löggilts endurskoðanda, sem hann hefur ráðið í því skyni, getur leitað heimildar til greiðslustöðvunar til héraðsdóms.
Nauðasamningar
Með nauðasamningi er átt við samning um greiðslu skulda eða eftirgjöf af skuldum sem kemst á milli skuldara og áskilins meirihluta lánardrottna hans og hlýtur staðfestingu fyrir dómi. Nauðasamningur bindur einnig aðra kröfuhafa en þá sem að honum standa og hefur það markmið að ráða bót á neikvæðri eiginfjárstöðu eða ógreiðslufærni skuldara. Viðskiptavinur þarf að afla heimildar dómstóla til að leita nauðasamnings og er sú heimild veitt með dómsúrskurði. Sérstakur umsjónarmaður sem skipaður er af dómstólum tekur í framhaldinu við samningsumleitunum við lánardrottna.
Ef krafa eða mál fyrirtækisins er komið í lögfræðiinnheimtu bendum við á að hafa samband við okkur í síma 444 6170 eða með því að senda tölvupóst á netfangið loginnheimta@arionbanki.is.
