Lán fyrir því sem vantar upp á
Viðbótaríbúðalán henta þeim sem vantar aukið lán til að kaupa íbúð. Þau eru oft notuð með lánum frá lífeyrissjóðum eða öðrum lánastofnunum og eru á öðrum veðrétti.
Áður en farið er af stað er gott að meta stöðuna með því að fara í gegnum greiðslumat. Ef þú hefur áhuga að kynna þér málið betur getur þú sent okkur línu á netfangið ibudalan@arionbanki.is eða bókað tíma hjá ráðgjafa.
Einungis í boði með óverðtryggða vexti, sjá nánar í reiknivél eða vaxtatöflu
Veðsetning má vera allt að 80% af kaupverði, eða 85% ef þú ert að kaupa þína fyrstu íbúð
Lánstími getur verið frá 5 upp í 25 ár
Samkvæmt reglum Seðlabankans má greiðslubyrðin ekki vera meira en 35% af tekjum, eða 40% ef þú ert að kaupa í fyrsta skipti.
Að velja rétta íbúðalánið er stór ákvörðun sem hefur áhrif á fjárhag heimilisins til margra ára. Því er mikilvægt að skilja hvernig val á lánstíma og tegund lána getur breytt bæði greiðslubyrði og heildarkostnaði. Hvort lánið er verðtryggð eða óverðtryggð, og hversu langur lánstíminn er, getur haft veruleg áhrif á greiðslubyrði og eignarmyndun.
Þegar greiðslugetan hefur verið könnuð og útborgun tryggð þá er komið að því að finna draumaeignina. Það ferli getur tekið mislangan tíma en mikilvægt er að vanda valið og finna þá eign sem er með flesta þá eiginleika sem leitað er að.
Flestir eru með mjög skýrar hugmyndir um hvernig íbúð er leitað að og hvaða skilyrði hún þarf að uppfylla en það er gott að hafa það í huga að það þarf ekki að vera að íbúð finnist sem uppfyllir allar óskir. Við kaup á fyrstu fasteign þarf oft að forgangsraða eiginleikum og velja þá eign sem tikkar í flest boxin ef ekki finnst eign á réttu verði sem uppfyllir allt saman.
Þegar nýtt lán er tekið getur það skipt sköpum á hversu löngum tíma greiða skal lánið til baka. Það er misjafnt hver hámarkstími lána getur verið en lengst er lánað fyrir fasteignakaupum til 40 ára.
Það er erfitt að segja til um hvort það henti þér að leigja eða kaupa og þar ráða helst ferðinni þín fjárhagsstaða og þín fjárhagslegu markmið. Þú skalt reikna hvoru tveggja til enda áður en þú tekur ákvörðun. Ef stefnan er tekin á fasteignakaup eru nokkur mikilvæg atriði sem gott er að kynna sér og hafa á hreinu áður en af stað er farið.