20.06.2022
Alvotech skráð á Nasdaq New York
Þann 16. júní voru hlutabréf Alvotech Holding skráð á Nasdaq hlutabréfamarkaðinn í New York undir auðkenninu ALVO. Með skráningu hlutabréfanna á hlutabréfamarkað gefst fjárfestum kostur á beinni fjárfestingu í fyrirtæki sem sérhæfir sig í þróun og framleiðslu líftæknihliðstæðulyfja. Arion banki, Landsbankinn og Arctica Finance voru meðal ráðgjafa Alvotech við hlutafjáraukningu í aðdraganda skráningar.
Á næstu dögum er stefnt að því að félagið verði jafnframt skráð á Nasdaq First North markaðinn hér á landi. Alvotech er eina íslenska fyrirtækið skráð á bandarískan markað og verður fyrsta íslenska fyrirtækið sem er skráð bæði á Íslandi og í Bandaríkjunum.
Við óskum starfsfólki og hluthöfum Alvotech til hamingju með áfangann. Nánar má lesa um skráninguna í tilkynningu Alvotech.
Deila grein:
