Anna Sif Jóns­dóttir ráð­in innri endur­skoðandi Arion banka

Anna Sif Jónsdóttir hefur verið ráðin af stjórn Arion banka sem innri endurskoðandi bankans og mun hún hefja störf í haust.

Anna Sif hefur verið innri endurskoðandi Kviku banka hf. frá árinu 2013. Áður starfaði hún sem fjármálastjóri Regins frá 2009 til 2013 og Landic Property Iceland (Reitir) frá 2007 til 2009. Anna var sérfræðingur og verkefnastjóri hjá KPMG frá 2000 til 2006.

Anna Sif er með BA gráðu í sagnfræði frá Háskóla Íslands og er viðskiptafræðingur (cand. oecon) frá sama skóla. Hún er löggildur endurskoðandi og með próf í verðbréfaviðskiptum.