20.03.2026

Arion banki breyt­ir vöxt­um

Eftirfarandi breytingar á inn- og útlánsvöxtum neytenda og fyrirtækja taka gildi fimmtudaginn 26. mars að því undanskildu að breytingar á óverðtryggðum íbúðalánavöxtum föstum til 3ja ára taka gildi strax.

Íbúðalán
  • Óverðtryggðir breytilegir íbúðalánavextir hækka um 0,25 prósentustig og verða 9,19%

  • Óverðtryggðir íbúðalánavextir fastir til 3ja ára hækka um 0,15 prósentustig og verða 8,25%

  • Verðtryggðir breytilegir íbúðalánavextir lækka um 0,10 prósentustig og verða 4,49%

  • Verðtryggðir íbúðalánavextir fastir til 3ja ára lækka um 0,10 prósentustig og verða 4,64%

Kjörvextir
  • Óverðtryggðir breytilegir kjörvextir einstaklinga og fyrirtækja hækka um 0,25 prósentustig og verða 10,35%

  • Verðtryggðir breytilegir kjörvextir einstaklinga lækka um 0,10 prósentustig og verða 6,15%

  • Verðtryggðir breytilegir kjörvextir fyrirtækja lækka um 0,10 prósentustig og verða 6,35%

Bílalán
  • Kjörvextir bílalána hækka um 0,25 prósentustig og verða 10,75%

Yfirdráttavextir
  • Yfirdráttavextir hækka um 0,25 prósentustig og verða 15,25%

Kreditkort
  • Greiðsludreifing og veltuvextir kreditkorta hækka um 0,25 prósentustig og verða 15,25%

Innlán
  • Vextir veltureikninga haldast óbreyttir

  • Vextir annarra óverðtryggðra reikninga hækka um allt að 0,35 prósentustig

  • Vextir verðtryggðra reikninga lækka um allt að 0,10 prósentustig

Breytingar á vöxtum lána sem falla undir lög um neytendalán eða lög um fasteignalán til neytenda taka gildi í samræmi við skilmála lánanna og tilkynningar um vaxtabreytingar. Það sama gildir um breytingar á vöxtum innlána sem falla undir lög um greiðsluþjónustu.

Vaxtabreytingar útlána Arion banka taka mið af fjármögnunarkostnaði bankans á hverjum tíma en einnig af öðrum þáttum, m.a. útlánaáhættu. Fjármögnunarkostnaður bankans fylgir að hluta til stýrivöxtum Seðlabankans en einnig hafa aðrar fjármögnunarleiðir umtalsverð áhrif, svo sem innlán viðskiptavina, markaðsfjármögnun, erlend skuldabréfaútgáfa og eiginfjárgerningar.

Hækkun breytilegra vaxta óverðtryggðra lána um 0,25 prósentustig kemur fyrst og fremst til vegna hækkunar á fjármögnunarkostnaði bankans. Í tilfelli verðtryggðra lána þá lækka breytilegir vextir um 0,1 prósentustig út frá mati bankans á breytingum á skammtímaraunvöxtum.

Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira