Arion banki ráð­gjafi Kaldalóns við skráningu á Aðal­markað

Nú í morgun voru hlutabréf Kaldalóns hf. tekin til viðskipta á Aðalmarkaði Nasdaq Iceland.

Kaldalón er eitt stærsta fasteignafélag Íslands og félag í örum vexti. Eignasafn félagsins er vel dreift og eru fasteignir þess aðallega staðsettar á höfuðborgarsvæðinu. Kaldalón leggur áherslu á vöxt fasteignasafnsins nálægt helstu höfnum og flughöfnum landsins. Félagið hefur verið skráð á First North vaxtarmarkaðinn frá árinu 2019. Við töku hlutabréfa félagsins til viðskipta á First North setti stjórn Kaldalóns þá stefnu að félagið skyldi skráð á Aðalmarkað Nasdaq Iceland þegar ákveðnum markmiðum yrði náð. Þeim markmiðum hefur félagið náð og það hefur verið ánægjulegt að vinna með og veita Kaldalóni ráðgjöf tengda uppbyggingu eignasafns félagsins og undirbúningi skráningar og töku hlutabréfa félagsins til viðskipta á Aðalmarkaði.

Arion banki óskar Kaldalóni, stjórn félagsins, starfsfólki og hluthöfum til hamingju með skráningu á Aðalmarkað Nasdaq Iceland.