Björn Björns­son ráð­inn framkvæmda­stjóri upplýsinga­tækni­sviðs Arion banka

Björn Björnsson hefur verið ráðinn framkvæmdastjóri upplýsingatæknisviðs Arion banka og mun hefja störf þann 6. mars næstkomandi.

Björn kemur til Arion frá Boston Consulting Group (BCG). Hjá BCG hefur Björn meðal annars starfað með mörgum af stærstu fjármálafyrirtækjum Ástralíu og Norðurlanda að stefnumarkandi verkefnum í upplýsingatækni. Áður en Björn hóf störf hjá BCG vann hann sem stjórnandi og sérfræðingur hjá íslenskum fjármálafyrirtækjum, m.a. sem framkvæmdastjóri áhættustýringar hjá Byr.

Björn er með BS próf í tölvunarfræði og MS próf í iðnaðarverkfræði frá Háskóla Íslands og MBA próf frá Melbourne Business School. Björn er giftur Hrefnu Þorbjörgu Hákonardóttur sjúkraþjálfara og eiga þau tvö börn.