Erna Björg Sverr­is­dóttir aðal­hag­fræðingur Arion banka valin hag­fræðingur ársins

Félag viðskipta- og hagfræðinga (FVH) útnefndi nýverið Ernu Björgu Sverrisdóttur, aðalhagfræðing Arion banka, sem hagfræðing ársins 2023. Það var forseti Íslands sem afhenti Ernu Björgu verðlaunin.

Það var einróma mat dómnefndar að velja Ernu Björgu vegna starfa hennar fyrir Arion banka. Að mati dómnefndarinnar hefur Ernu tekist vel að nálgast hagfræði á fróðlegan og skemmtilegan hátt á opinberum vettvangi, í viðtölum og með greinaskrifum. Einnig sé hún óhrædd við að synda á móti straumnum með sínum skoðunum, þori að spyrja gagnrýninna spurninga og sé flott fyrirmynd fyrir ungt fólk sem leggur stund á nám í viðskipta- og hagfræðideildum háskóla landsins.

Við gætum ekki verið meira sammála og óskum Ernu Björgu til hamingju með þessa verðskulduðu viðurkenningu.