F5 eign­ast Fornu­búð­ir

F5 eignarhaldsfélag er nýr eigandi Fasteignafélagsins Fornubúða hf. Stærsti hluthafi F5 eignarhaldsfélags er Strontín, sem er í endanlegri eigu Þórðar Kolbeinssonar. Strontín var með hæsta tilboð í opnu söluferli sem hófst undir lok síðasta árs. Nýlega var gengið frá viðskiptunum og var heildarkaupverð 4,8 milljarðar króna.

Helsta eign Fasteignafélagsins Fornubúða er húsnæði að Fornubúðum 5 í Hafnarfirði sem er 10.319 fermetrar að stærð. Húsnæðið er í fullri útleigu en stærsti einstaki leigutaki félagsins er Hafrannsóknarstofnun Íslands. Þá eiga Fornubúðir einnig ónýttan byggingarrétt á sömu lóð.

Arion banki var ráðgjafi F5 eignarhaldsfélags í kaupunum.