Kynntu þér greiðslu­þak og lækk­aðu greiðslu­byrð­ina á íbúða­lán­inu þínu

Það hafa fáir farið varhluta af breyttu landslagi í efnahagsmálum á Íslandi og há verðbólga og hækkandi stýrivextir hafa sett strik í heimilisbókhald margra fjölskyldna. Þeir sem eru með óverðtryggð íbúðalán með breytilega vexti hafa fundið hvað mest fyrir hækkun á greiðslubyrði. Eins standa þeir sem hafa verið með fasta vexti nú frammi fyrir því að afborganir munu hækka mikið þegar fastvaxtatímabili lýkur.

Til að koma til móts við þetta breytta landslag og lækka mánaðarlegar greiðslur íbúðalána bjóðum við nú upp á tímabundið greiðsluþak íbúðalána.

Viðskiptavinir geta óskað eftir því að greiða fasta mánaðarlega fjárhæð sem er lægri en fjárhæð afborgunar samkvæmt skilmálum lánsins. Sá hluti greiðslunnar sem frestast færist á höfuðstól lánsins sem hækkar sem því nemur. Viðskiptavinir geta lækkað mánaðarlega greiðslu um 1, 2, 3 eða 4 prósentustig þeirra vaxta sem lánið ber í dag. Sú upphæð sem færist á höfuðstól lánsins í lok tímabilsins getur hækkað eða lækkað eftir því hver vaxtaþróun tímabilsins er. Greiðsluþak gildir í 12 mánuði og ætti að leiða til hærri greiðslubyrði lánsins að tímabilinu loknu.

Sem dæmi má nefna íbúðalán sem ber 10% vexti á ári. Í slíku tilviki er mest hægt að óska eftir því að mánaðarleg greiðsla miðist við 6% vexti næstu 12 mánuði. Færast þá vextir umfram 6% á höfuðstól lánsins að 12 mánuðum liðnum.

Með tilkomu þessa valkosts standa nú til boða fleiri valmöguleikar til þess að lækka greiðslubyrði lána. Greiðsluþak gæti hentað þeim sem hafa hug á að vera áfram með óverðtryggt lán en vilja engu að síður lækka greiðslubyrði tímabundið án þess að endurfjármagna lánið.

Við mælum eindregið með því að viðskiptavinir okkar hafi samband við starfsfólk okkar og fari yfir íbúðalánin sín og kanni hvort að greiðsluþak sé valkostur sem henti þeim.