10.02.2023

Sig­geir og Al­bert ráðnir til Arion banka

Siggeir Vilhjálmsson og Albert Guðmann Jónsson hafa hafið störf á viðskiptabankasviði Arion banka. Siggeir hefur tekið við starfi aðstoðarframkvæmdastjóra sviðsins og Albert Guðmann Jónsson tekið við starfi forstöðumanns vörustýringar. Báðir koma þeir frá Landsbankanum.

Siggeir starfaði hjá Landsbankanum í rúm 25 ár, síðast sem forstöðumaður viðskiptalausna einstaklinga og sem staðgengill framkvæmdastjóra einstaklingssviðs. Áður starfaði hann á upplýsingatæknisviði bankans og á fyrirtækjasviði við að þróa stafrænar viðskiptalausnir. Siggeir er tölvunarfræðingur að mennt og með MBA frá Háskóla Íslands.

Albert starfaði hjá Landsbankanum í um 18 ár og var deildarstjóri framþróunar í viðskiptalausnum einstaklinga. Albert er viðskiptafræðingur að mennt og með meistaragráðu í upplýsingastjórnun frá Háskólanum í Reykjavík.

Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira