16.11.2023

Sig­ur­veg­ar­ar í Fjár­festingar­keppni Arion

Við opnun markaða 4. september sl. hófst fjárfestingarkeppni Arion fyrir nemendur í Háskóla Íslands og Háskólanum í Reykjavík. Óhætt er að segja að þátttaka í keppninni hafi verið góð. Alls tóku 648 nemendur þátt og sýndu þeir mikinn metnað meðan á keppninni stóð og var fróðlegt að fylgjast með hver vinsælustu fyrirtækin til fjárfestinga voru.

Markmiðið með keppninni var að efla fræðslu um fjárfestingar og sjóðastýringu og gera nemendum kleift að kljást við raunveruleg verkefni úr atvinnulífinu. Við hvöttum nemendur til að kynna sér fræðsluefni í Dyngjuappinu þar sem farið var yfir helstu atriði og hugtök tengd fjárfestingum.

Það var virkilega gaman að sjá hversu margir nemendur skráðu sig til leiks. Nemendur af öllum kynjum voru hvattir til þátttöku en töluvert færri konur tóku þó þátt en karlar. Heimur fjárfestinga hefur lengi vel verið karlaheimur en það er von okkar að með átaki og keppnum líkt og þessari sé hægt að auka hlut kvenna í þátttöku í fjárfestingum og á markaðnum í heild sinni.

Fyrirkomulag keppninnar var þannig að keppendur fengu 100 milljón sýndarveruleikakrónur til þess að fjárfesta með á tímabilinu 4. september til 3. nóvember. Hægt var að eiga viðskipti með öll hlutabréf sem eru skráð á aðalmarkað Nasdaq og hlutabréf sem eru skráð á First North markaðinn. Sigurvegari keppninnar var síðan sá nemandi sem náði mestri ávöxtun á safnið sitt á umræddu tímabili.

Það gleður okkur að tilkynna hér með sigurvegara keppninnar en í 1. sæti var Valdimar Már Pétursson, í 2. sæti var Vésteinn Veigar Kristjánsson og í þriðja sæti var Finnur Finnsson, en þeir stunda allir nám við Háskólann í Reykjavík. Við óskum þeim innilega til hamingju með árangurinn.

Þegar keppnin sjálf var hálfnuð var ákveðið að halda aukakeppni, „Hver sigrar bónusvikuna“ og stóð hún yfir frá 1. október til 7. október. Voru það Róbert Orri Stefánsson úr Háskóla Íslands og Valdimar Már Pétursson úr Háskólanum í Reykjavík sem náðu mestri ávöxtun í bónusvikunni.

Við hjá Arion banka og Stefni óskum sigurvegurunum innilega til hamingju með árangurinn í keppninni. Við hvetjum jafnframt aðra þátttakendur sem og þá sem áhugasamir eru um fjárfestingar að halda förinni áfram í Dyngjuappinu þar sem hægt er að spreyta sig á hlutabréfamarkaðnum allt árið um kring.


Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira