01.06.2023

Verð­tryggð­ir sparnaðar­reikningar Arion með 90 daga út­tektar­fyrir­vara frá 1. júlí

Nýlega kynnti Arion til leiks verðtryggða sparnaðarleið sem er með 90 daga úttektarfyrirvara en er ekki bundin að öðru leyti. Sparnaðarleiðin kallast Vöxtur verðtryggður og er fyrsti sparnaðarreikningur sinnar tegundar hér á landi. Frá og með 1. júlí næstkomandi munu allir almennir verðtryggðir sparnaðarreikningar einstaklinga, óháð því hvenær þeir voru stofnaðir, verða eins og Vöxtur verðtryggður. Í stað bindingar í 36 mánuði eða lengur kemur aðeins 90 daga úttektarfyrirvari. Þetta á þó ekki við um orlofsreikninga og Framtíðarreikning Arion banka sem er ætlaður ungu fólki og er áfram bundinn fram að 18 ára aldri.

Í júnímánuði geta viðskiptavinir, sem eiga verðtryggðan sparnaðarreikning stofnaðan á síðasta ári eða fyrr, tekið út þær innistæður sem eru lausar, kjósi þeir að gera það. Hægt er að millifæra í Arion appinu og netbanka. Til að mynda eru vextir sem greiddir hafa verið inn á reikningana lausir sem og þær innistæður sem ljúka binditíma í júní. Eftir 1. júlí 2023 verður hins vegar öll innistæða þessara sparnaðarreikninga með 90 daga úttektarfyrirvara.

Nýjar reglur Seðlabankans um verðtryggð innlán, sem tóku gildi í dag, gera okkur kleift að breyta verðtryggðum sparnaðarreikningum með þessum hætti, viðskiptavinum okkar til hagsbóta.

Nánar má lesa um Vöxt verðtryggðan hér og nýja skilmála innlánsreikninga er að finna hér.


Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira