11.05.2023

Verð­tryggður sparnaðar­reikningur með að­eins 90 daga út­tektar­fyrir­vara – nýtt á Ís­landi!

Arion banki býður nú einstaklingum og heimilum verðtryggða sparnaðarleið sem er aðeins bundin í 90 daga en ekki þrjú ár eins og lög hafa hingað til kveðið á um. Vöxtur verðtryggður er nýr verðtryggður sparnaðarreikningur Arion banka með aðeins 90 daga bindingu. Þetta er fyrsti sparnaðarreikningur sinnar tegundar hér á landi.

Arion banki getur boðið upp á þessa nýju sparnaðarleið vegna breytinga á lögum sem taka gildi 1. júní næstkomandi. Lagabreytingin felur í sér að verðtryggð innlán þurfa ekki lengur að vera bundin í þrjú ár. Eftir 1. júní verður því hægt að óska eftir úttekt af sparnaðarreikningnum sem verður greidd út 90 dögum síðar.

Síðustu 12 mánuði hefur verðbólga mælst 9,9%. Því hefur reynst erfitt að fá vexti á sparnað sem halda í við verðbólgu, án þess að festa sparnaðinn í þrjú ár. Með því að leggja inn á þennan nýja verðtryggða sparnaðarreikning Arion banka heldur sparifé betur verðgildi sínu þar sem innistæðan hækkar eða lækkar í takti við verðbólgu. Auk verðtryggingar ber reikningurinn 0,10% vexti.

Nánar má lesa um Vöxt verðtryggðan á vef Arion banka og unnt er að stofna reikninginn í Arion appinu og netbanka strax í dag.


Deila grein:

facebookxmaillinkedin

Fleiri fréttir

Fréttayfirlit
20. nóvember 2026

Arion banki breyt­ir vöxtum óverðtryggðra íbúðalána með fasta vexti

Frá og með deginum í dag, 20. nóvember, lækka óverðtryggðir íbúðalánavextir, fastir til þriggja ára, um 0,40 prósentustig og verða 8,35%. Breytingin á aðeins við um ný lán.

Lesa meira
13. nóvember 2026

Truflun á tölvupóstþjónustu

Vegna tæknilegra truflana í þjónustu sem við nýtum hjá Microsoft eigum við í tímabundnum vandræðum með tölvupóstþjónustuna okkar. Truflanirnar kunna einnig að hafa áhrif á aðra þjónustu og kerfi.

Lesa meira
3. nóvember 2026

Arion banki ráðgjafi við sölu Fjarðarkaupa

Fyrirtækjaráðgjöf Arion banka hafði umsjón með söluferli Fjarðarkaupa fyrir hönd eigenda félagsins. Söluferlinu lauk með samningum um sölu á bæði verslunarrekstri Fjarðarkaupa til Samkaupa, dótturfélags Dranga hf., og fasteigninni að Hólshrauni 1 í Hafnarfirði, en kaupandi fasteignarinnar er fasteignafélagið Kaldalón hf. 

Lesa meira