Fá­ein góð sparn­að­ar­ráð

Það er aldrei of seint að byrja að spara

Hins vegar getur verið svolítið erfitt að gera einmitt það: Að byrja. Því að stóra spurningin er …

… hvar byrjar maður eiginlega?

Settu sparnaðinn í áskrift

Góð byrjun væri auðvitað að leggja fasta upphæð fyrir mánaðarlega. Að temja sér nýjar venjur krefst þó talsverðs átaks og oft kemst slíkt ekki strax inn í rútínuna. Það líða nokkrir mánuðir og við steingleymum að leggja nokkuð fyrir.

Ein þægileg leið til að bæta úr því er að setja sparnaðinn í áskrift. Þá þarftu ekki að muna að millifæra mánaðarlega á sparnaðarreikning heldur velurðu fasta upphæð í Arion appinu sem færist sjálfkrafa milli reikninga. Þú stýrir upphæðinni sem verður hluti af mánaðarlegum útgjöldum þínum.

Verum meðvituð um í hvað peningarnir fara

Annað sparnaðarráð felst í að horfast í augu við það hvert peningarnir okkar fara og skrifa það niður, til dæmis í vasabók eða Excel. Haltu heimilisbókhald, skipuleggðu matarkaupin og leituðu uppi hagstæðustu tilboðin. Þá er alltaf gott að forgangsraða því að greiða niður dýrar skuldir til að forðast háa vexti.

Greiddu niður dýrar skuldir

Ýmsar skammtímaskuldir bera háa vexti sem eru íþyngjandi til lengri tíma. Undir þessar skuldir falla t.d. yfirdráttur, dreifing á greiðslukortum og smálán.

Hafðu yfirsýn yfir útgjöldin

Farðu yfir fjármálin einu sinni í mánuði og gerðu áætlun fyrir komandi vikur. Gerðu greinarmun á föstum kostnaði og kostnaði sem þú gætir haft meiri stjórn á. Hentugt getur verið að áætla vissa fjárhæð í t.d. matarinnkaup og afþreyingu.

Settu þér langtíma- og skammtímamarkmið

Það er allt í lagi að vera með fleiri en eitt sparnaðarmarkmið í vinnslu samtímis og gaman getur verið að setja sér smærri markmið sem auðveldara er að ná þar sem þau geta virkað sem mikill hvati fyrir annan sparnað. Langtímamarkmið eru stórar fjárfestingar líkt og íbúð, ferðalög á fjarlægar slóðir en skammtímamarkmið eru minni upphæðir sem tekur styttri tíma en eitt og hálft ár að safna fyrir.

• Fyrir langtímasparnað henta bundnir reikningar vel þar sem inneignin er bundin í ákveðinn tíma og ekki hægt að nýta peninginn á þeim tíma. Slíkir reikningar bera oft hærri ávöxtun. Íbúðasparnaður eru dæmi um bundinn óverðtryggðan reikning sem gæti verið áhugaverður kostur fyrir þá sem eru að safna fyrir fasteign.

• Fyrir skammtímasparnað og varasjóð vegna óvæntra útgjalda henta óbundnir reikningar eða reikningar sem eru bundnir til skemmri tíma. Grænn vöxtur er dæmi um óbundinn sparnaðarreikning en sá reikningur styður við græna framtíð og Heimsmarkmið Sameinuðu þjóðanna. Óbundnir reikningar bera oftast lægri vexti en þeir sem læsa upphæðina inni í ákveðinn tíma.

• Hægt er að vera með mismunandi reikninga fyrir mismunandi tegundir sparnaðar. Fjölbreyttar tegundir sparnaðarreikningaeru í boði hjá Arion og ættu því allir að finna reikning við sitt hæfi hvort sem um er að ræða verðtryggðan, óverðtryggðan, bundinn eða óbundinn. Auðvelt er að bera saman og stofna sparnaðarreikninga í netbanka og appi og mælt er með því að skrá sig í reglulegan sparnað þar sem upphæð millifærist sjálfkrafa með reglulegum hætti.

• Ef þig langar að stíga þín fyrstu skref í fjárfestingum gæti áskrift í sjóðum verið eitthvað fyrir þig. Margvíslegir sjóðir eru í boði en gott er að hafa í huga til hve langs tíma þú ætlar þér að fjárfesta og hversu miklar sveiflur í ávöxtun þú þolir. Þú ættir t.d. að mynda þér skoðun á hvort þú viljir aðeins fjárfesta í áhættuminni eignum eins og skuldabréfum eða í áhættumeiri eignum eins og hlutabréfum eða blanda þessum ólíku eignaflokkum saman.

Sparnaðurinn hjálpar okkur að stjórna eigin lífi

Fyrirhyggja í fjármálum getur hjálpað okkur að hrinda draumum og ævintýrum í framkvæmd. Langar þig í heimsreisu eða nám í útlöndum? Ertu með augastað á draumaíbúðinni? Í sparnaðarmálum sannast sú gamla speki að margt stórt gerir eitt stórt. Valkostum lífsins fjölgar eftir því sem sparnaðurinn vex. Ekki hræðast fjármálin. Hafðu gaman af því að taka þau föstum tökum – og byrjaðu smátt.