Viltu lægri greiðslubyrði?
Saman getum við fundið lausn við hæfi.
Saman getum við fundið lausn við hæfi.
Við ákveðnar aðstæður getur komið sér vel að geta sótt um leyfi frá greiðslu á íbúðaláni.
Þegar greiðsluerfiðleikar koma upp er mikilvægt að bregðast hratt við og kanna hvaða úrræði eru í boði til að greiða úr málunum.
Til að auðvelda fyrstu kaup lánum við allt að 85% af markaðsvirði eignar og veitum jafnframt 100% afslátt af lántökugjaldi.
Við bjóðum nýbökuðum foreldrum að lækka greiðslurnar sínar um allt að helming meðan á fæðingarorlofi stendur.
Þegar þú setur greiðslufestu á lánið þitt greiðir þú fasta upphæð í tólf mánuði, sem er lægri en mánaðarleg greiðsla samkvæmt skilmálum lánsins.
Íbúðalán eru ýmist með jöfnum greiðslum eða jöfnum afborgunum.
Þú getur endurfjármagnað lán með jöfnum útborgunum og valið jafnar greiðslur. Þá er tekið tillit til greiðslumats eins og þegar hefðbundin endurfjármögnun íbúðalána á sér stað.
Ef þú velur íbúðalán með jöfnum afborgunum greiðir þú sömu upphæð af höfuðstól lánsins í hverjum mánuði, auk vaxta og verðbóta ef lánið er verðtryggt.
Greiðslubyrði af þessum lánum er hærri í upphafi en þegar greitt er með jöfnum greiðslum, en lækkar með tímanum í takt við lækkun höfuðstóls.
Ef þú kýst íbúðalán með jöfnum greiðslum greiðir þú u.þ.b. sömu heildarupphæð í hverjum mánuði.
Ef íbúðalánið er verðtryggt breytist greiðslubyrði nokkurn veginn í takt við þróun verðlags yfir tímann.
Greiðslubyrði er alla jafna lægri í upphafi en af sambærilegu láni með jöfnum afborgunum.
Íbúðalán eru mismunandi og vextirnir sem lánið þitt ber hafa mikil áhrif á greiðslubyrði þína.
Greiðslumatið er rafrænt og tekur aðeins örfáar mínútur. Til að reikna út greiðslugetu þína sækjum við m.a. upplýsingar um launatekjur, eignir og skuldir.
Að velja rétta íbúðalánið er stór ákvörðun sem hefur áhrif á fjárhag heimilisins til margra ára. Því er mikilvægt að skilja hvernig val á lánstíma og tegund lána getur breytt bæði greiðslubyrði og heildarkostnaði. Hvort lánið er verðtryggð eða óverðtryggð, og hversu langur lánstíminn er, getur haft veruleg áhrif á greiðslubyrði og eignarmyndun.
Þegar greiðslugetan hefur verið könnuð og útborgun tryggð þá er komið að því að finna draumaeignina. Það ferli getur tekið mislangan tíma en mikilvægt er að vanda valið og finna þá eign sem er með flesta þá eiginleika sem leitað er að.
Flestir eru með mjög skýrar hugmyndir um hvernig íbúð er leitað að og hvaða skilyrði hún þarf að uppfylla en það er gott að hafa það í huga að það þarf ekki að vera að íbúð finnist sem uppfyllir allar óskir. Við kaup á fyrstu fasteign þarf oft að forgangsraða eiginleikum og velja þá eign sem tikkar í flest boxin ef ekki finnst eign á réttu verði sem uppfyllir allt saman.
Þegar nýtt lán er tekið getur það skipt sköpum á hversu löngum tíma greiða skal lánið til baka. Það er misjafnt hver hámarkstími lána getur verið en lengst er lánað fyrir fasteignakaupum til 40 ára.
Það er erfitt að segja til um hvort það henti þér að leigja eða kaupa og þar ráða helst ferðinni þín fjárhagsstaða og þín fjárhagslegu markmið. Þú skalt reikna hvoru tveggja til enda áður en þú tekur ákvörðun. Ef stefnan er tekin á fasteignakaup eru nokkur mikilvæg atriði sem gott er að kynna sér og hafa á hreinu áður en af stað er farið.