Arion banki lækk­ar íbúða­lána­vexti

Arion banki hefur lækkað vexti íbúðalána. Vaxtalækkunin nú hefur fyrst og fremst áhrif á ný íbúðalán og verðtryggð lán sem bera breytilega vexti. Vextir lána sem tekin hafa verið á undanförnum árum og bera fasta vexti breytast ekki.

Helstu breytingar eru:

Verðtryggð lán

• Breytilegir vextir eru nú 3,85% en voru 4,20%

• Fastir vextir til fimm ára eru nú 3,9% en voru 4,35%

• Fastir vextir út lánstímann eru nú 4,30% en voru 4,50%

Óverðtryggð lán

• Fastir vextir til þriggja ára eru nú 6,80 % en voru 6,85%.

Að auki þá býður Arion banki nú nýja tegund óverðtryggðra lána með breytilega vexti sem eru ákvarðaðir af bankanum og bera 6,10% vexti. Áður voru í boði lán sem hafa vaxtaviðmið af vöxtum Seðlabanka Íslands og breytast vextir þeirra lána ekki nú, eru áfram 6,30%.