20.04.2015
Arion banki og DNB Bank fjármagna kaup Ramma hf. á nýjum frystitogara
Rammi hf. á Siglufirði hefur samið við Arion banka og DNB Bank um fjármögnun á smíði nýs frystitogara sem áætlað er að verði afhentur veturinn 2016/2017 en félagið gerði nýverið samning við tyrknesku skipasmíðastöðina Tersan í Tyrklandi, um smíði skipsins. Nýja skipið munu lækka meðalaldur skipa Ramma verulega.
Samningurinn tekur einnig til langtímafjármögnunar á skipinu. Lánveitingin nú nemur um 35 milljónum evra eða rúmlega 5 milljörðum króna.
Þetta er í annað skipti sem Arion banki og DNB Bank vinna saman að fjármögnun fjárfestinga í íslenskum sjávarútvegi, en samvinna bankanna í þessu verkefni leiðir til verulegrar lækkunar á vaxtakjörum Ramma.
Meðfylgjandi er tölvugerð mynd af hinum nýja frystitogara.
Deila grein:
