Ferða­þjónustu­út­tekt: Við er­um öll í ferða­þjónustu

Greiningardeild stóð fyrir morgunfundi í morgun um stöðu og horfur í ferðaþjónustu um þessar mundir og birtir nú ferðaþjónustuúttekt sína. Við spáum áframhaldandi fjölgun ferðamanna og að árið 2018 gætu komið hingað tæplega tvær milljónir erlendra ferðamanna, en spáin er þó háð mikilli óvissu. Fjölgunin getur áfram orðið mikil og byggist úttekt okkar að miklu leyti á vangaveltum um hvort og hvernig ýmsir innviðir, vinnumarkaður o.fl. geta tekist á við slíka fjölgun.

Í úttektinni skoðum við einnig vaxandi mikilvægi ferðaþjónustu í hagkerfinu, greinum neyslu ferðamanna og sýnum fram á að raungengi (samspil verðlags og nafngengis) krónunnar hefur umtalsverð áhrif á neyslu ferðamanna hér á landi. Þá er hótelmarkaðurinn greindur eftir landshlutum og ferðaþjónustan á Íslandi sett í alþjóðlegt samhengi svo eitthvað sé nefnt.

Ferðaþjónustuúttekt Greiningardeildar: Við erum öll í ferðaþjónustu
Glærur frá morgunfundi 29. september