15. ágúst 2017
Breytingar standa yfir í útibúi Arion banka í Kringlunni
Nú standa yfir breytingar í útibúi Arion banka í Kringlunni. Breytingarnar snúa bæði að húsnæðinu og þjónustunni sem þar verður veitt. Á meðan á breytingunum stendur, eða fram til 21. september, verður aðeins hægt að nýta hraðbanka útibúsins þar með talinn gjaldeyrishraðbankann sem afgreiðir evrur, Bandaríkjadollara, danskar krónur og bresk pund. Þegar framkvæmdunum lýkur mun bankinn kynna til leiks aukið aðgengi að þægilegri bankaþjónustu.
Við höfum tekið saman svör við ýmsum spurningum sem kunna að vakna vegna breytinganna á sérstakri síðu sem vísað er á hér fyrir neðan. Ef þú finnur ekki svarið við þínum spurningum eða hefur einhverjar spurningar eða ábendingar hvetjum við þig til að senda okkur tölvupóst á arionbanki@arionbanki.is.