Stuðningur við nýsköpun í framhaldsskólum

Arion banki er stoltur styrktaraðili Junior Achievement (Ungra frumkvöðla) sem stendur fyrir nýsköpunarátaki í stofnun og rekstri fyrirtækja fyrir framhaldsskólanema á Íslandi.

Á vorönn eru það átta íslenskir framhaldsskólar sem taka þátt og eru með áfanga sem um 300 nemendur sækja.

Einar Gunnar Guðmundsson, forsvarsmaður nýsköpunarmála hjá Arion banka:

,,Reynslan í áfanga eins og þessum mun vonandi reynast krökkunum vel þegar þau koma út á vinnumarkaðinn síðar á lífsleiðinni með nýsköpun að leiðarljósi. Arion banki vildi leyfa krökkunum að komast enn betur í tæri við fjármálaumhverfið sem fylgir fyrirtækjarekstri og bauð því nemendum upp á aðgang að fyrirtækjanetbanka Arion banka. Með því er það von bankans að þau nái að kynna sér enn frekar þær daglegu fjárhagslegu aðgerðir sem eru mikilvægar öllum fyrirtækjarekstri.”

Á meðfylgjandi myndum má sjá nokkra nemendur og Einar Gunnar Guðmundsson frá Arion banka.