Lífeyrisbók Arion banka er nú aðgengileg á vef bankans

Innan Arion banka hefur safnast mikil þekking á lífeyrismálum, einkum hvað varðar almennan rekstur lífeyrissjóða, eignastýringu og áhættustýringu. Í dag eru fimm lífeyris- og séreignarsjóðir í rekstri hjá bankanum. Gaf bankinn nýverið út bók um lífeyrismál sem byggir á þessari þekkingu og reynslu. Bókin er nú aðgengileg á rafrænu formi á vef bankans.

Lífeyrisbókin er fyrst og fremst ætluð stjórnum og starfsfólki lífeyrissjóða en einnig öllum þeim sem vilja kynna sér þetta mikilvæga málefni. Í bókinni er fjallað um íslenska lífeyriskerfið, hlutverk stjórna, eignastýringu, ábyrgar fjárfestingar og umboðsskyldu, áhættustýringu og eftirlit og aðra þætti í rekstri lífeyrissjóða.

Í ritnefnd voru Guðný Helga Lárusdóttir, sérfræðingur í rekstri lífeyrissjóða og verðbréfa hjá Arion banka, sem jafnframt er ritstjóri bókarinnar, Hjörleifur Arnar Waagfjörð, forstöðumaður eignastýringar fagfjárfesta hjá Arion banka og formaður ritnefndar, Jóhann Möller, framkvæmdastjóri markaða hjá Arion banka og Sigrún Hauksdóttir, forstöðumaður reksturs lífeyrissjóða og verðbréfa hjá Arion banka. Jafnframt var leitað til ytri fagaðila og stjórnarformanna, stjórnenda og framkvæmdastjóra lífeyrissjóða til að rita greinar í bókina

Við vonum að bókin komi stjórnum og starfsfólki lífeyrissjóða að góðum notum sem og öllum þeim sem vilja fræðast um starfsemi lífeyrissjóða.

Bókin er aðgengileg hér.