Varasamur tölvupóstur

Svo virðist sem tölvuþrjótar hafi í dag sent út tölvupóst í nafni íslenskra banka, þar á meðal í nafni Arion banka. Í póstinum er tengill inn á sýndarvefsíðu sem sögð er vera Netbanki Arion banka þar sem viðtakendur eru hvattir til að skrá sig inn. 

Pósturinn er ekki frá Arion banka heldur frá tölvuþrjótum sem vilja með þessu reyna að komast yfir innskráningarupplýsingar viðskiptavina okkar.

Mikilvægt er að smella ekki á tengilinn í póstinum. Hafi það hins vegar verið gert er nauðsynlegt að skrá sig strax inn í Netbanka Arion banka í gegnum https://netbanki.arionbanki.is og breyta lykilorði undir Stillingar > Almennt > Breyta lykilorði.