Kvennafrídagur - skert þjónusta eftir 14:55

Í dag, miðvikudag 24. október, er hinn árlegi kvennafrídagur og mun fjöldi kvenna leggja niður störf kl. 14.55. Gera má ráð fyrir að það hafa áhrif á þjónustu í útibúum og þjónustuveri bankans.

Arion banki styður þetta framtak enda kynbundinn launamunur og mismunun ólíðandi. Við erum stolt af því að hafa nýverið fengið, fyrst íslenskra banka, heimild til að nota jafnlaunamerki velferðarráðuneytisins eftir að bankinn fékk vottun frá faggildum vottunaraðila, BSI á Íslandi. Arion banki hefur verið vottaður af BSI á Íslandi síðan árið 2015 þegar bankinn fékk fyrst Jafnlaunavottun VR. Þeirri vottun hefur bankinn viðhaldið með reglulegum úttektum og felur hún í sér staðfestingu á því að til staðar sé jafnlaunakerfi sem stuðlar að því að starfsfólki sem vinnur sömu eða jafnverðmæt störf sé ekki mismunað í launum.

Arion banki hefur verið aðili að Jafnréttissáttmála UN Women og UN Global Compact frá árinu 2014.