Ráðstefnan um straumlínustjórnun í Arion banka vel sótt

Fimmtudaginn 6. október hélt Arion banki ráðstefnu um straumlínustjórnun (e. Lean Management) í höfuðstöðvum bankans í Borgartúni 19.

Frá árinu 2012 hefur bankinn unnið samkvæmt hugmyndafræði straumlínustjórnunar sem snýst í meginatriðum um að bæta þjónustu, koma í veg fyrir sóun og auka afköst og skilvirkni. Markmið ráðstefnunnar var að deila okkar reynslu, hvað hefur gengið vel og hvað má læra af vegferðinni. Ráðstefnan var vel sótt og virtust ráðstefnugestir áhugasamir.

Pétur Arason, rekstrarverkfræðingur og Global Innovation Program Manager hjá Marel, var gestur á ráðstefnunni:

,,Gríðarlega mikil og flott vinna verið unnin hjá Arion og þótt margir sigrar hafi unnist þá „erum við rétt að byrja“ eins og þau segja sjálf, enda endalaust ferðlag eins og við vitum… En vel gert Arion og vonandi er þetta hvatning til annarra íslenskra fyrirtækja og stjórnenda í íslensku viðskiptalífi að innleiða Lean af alvöru!"