Arion banki styrkir hjálparstarf

Eins og síðastliðin ár styrkti Arion banki Hjálparstarf kirkjunnar, Rauða krossinn á Íslandi og Mæðrastyrksnefndir víða um land fyrir jólin. Hver samtök fengu tvær milljónir króna til að nýta í jólaúthlutanir á vegum samtakanna eða samtals sex milljónir króna.

Helga G. Halldórsdóttir fjáröflunarfulltrúi Rauða krossins:

,,Framlag Arion banka til fólks sem þarfnast aðstoðar fyrir jólin skiptir miklu máli í starfi Rauða krossins. Á landsvísu var tæplega helmings aukning á umsóknum um jólaaðstoð árið 2015 samanborið við 2014.“

Á meðfylgjandi mynd má sjá Helgu G. Halldórsdóttur fjáröflunarfulltrúa Rauða krossins og Hildi Ottesen Hauksdóttur frá Arion banka.