Arion banki fékk viðurkenningu fyrir nýtt útlit

Keppni Félags íslenskra teiknara, FÍT, er haldin árlega og þar er keppt um það besta í grafískri hönnun og myndskreytingum á Íslandi.

Í ár var Arion banki tilnefndur til verðlauna fyrir nýtt útlit bankans í flokknum Mörkun ársins ásamt þremur öðrum verkefnum en innsendar tillögur voru yfir 60 talsins. Nýtt útlit Arion banka á vefsíðu og öðru markaðsefni fékk sérstaka viðurkenningu í flokknum en veitt voru ein verðlaun og tvær viðurkenningar.

Dómnefnd hafði þetta um verkefni Arion banka að segja:

„Umfangsmikil og vel heppnuð endurmörkun sem leysir þarfir bankans í flóknu og margslungnu umhverfi viðskiptavina. Sterk einkenni skapast með litanotkun og myndlýsingum sem halda utan um heildarútlitið.“

Það má með sanni segja að nýtt útlit Arion banka veki víða jákvæða athygli enda stutt síðan bankinn var valinn markaðsfyrirtæki ársins af ÍMARK.