Starfsfólk Arion banka tók til hendinni við sambýli borgarinnar

Nýlega tók hópur starfsfólk Arion banka og fjölskyldur þeirra vel á því víðs vegar um borgina þegar Samfélagsdagur Arion banka og Skjaldar, starfsmannafélags, var haldinn. Tekið var til hendinni við að fegra umhverfið í kringum nokkur sambýli Reykjavíkurborgar.

Veðrið lék við mannskapinn og voru hendur látnar standa fram úr ermum þegar ráðist var í nauðsynleg garðverk. Vel var tekið á móti starfsfólki á sambýlunum og er óhætt að segja að mikil ánægja hafi verið með framtakið.

Verkefnið var unnið í góðri samvinnu við Reykjavíkurborg sem undanfarið hefur ekki náð að sinna umhverfi sambýla sem skyldi.

Meðfylgjandi má sjá myndir frá þessum skemmtilega degi.