Tvíteknar færslur á Visa kredit- og debetkort

Hluti viðskiptavina hafa lent í því að einstaka færslur vegna viðskipta sem áttu sér stað síðastliðinn fimmtudag eru tvíteknar. Búið er að bakfæra þessar auka færslur á öllum kreditkortum en á debetkortum verða þær leiðréttar annað kvöld, 25. apríl.

Um er að ræða mistök sem áttu sér stað við innsendingu á færslum frá SaltPay (áður Borgun) til Visa International. Tæknileg mistök leiddu til þess að færslur á Visa-kort voru sendar tvisvar til Visa.

Ef þú hefur spurningar vegna þessa er hægt að hafa samband við okkur í gegnum netspjallið hér á síðunni sunnudaginn 25. apríl á milli klukkan 11 og 15. Einnig getur þú haft samband á mánudaginn með því að senda okkur póst á arionbanki@arionbanki.is, í gegnum netspjallið eða með því að hringja í þjónustuverið okkar í síma 444 7000. Þjónustuverið er opið alla virka daga frá klukkan 9:00 til 16:00.